Pasineqarnerit procentinngorlugit
Politiit inunnut ataasiakkaanut arlalinnulluunniit pasinnittarnerat unioqqutitsinerup suunera aallaavigalugu assigiinneq ajorput.
Pasineqarnerit procentinngornerini pinerluttuliornermut inatsit, angallannermut inatsit aammalu immikkut inatsisit allat ataatsimut isigalugit unnerluussinerit pasineqarnernik kinguneqartartut angallannermut inatsimmi qaffasinnersaapput. Tamannalu taaneqareersutut angallannermut inatsimmik unioqqutitsinermi politiit namminneerlutik unioqqutitsinernik nalunaarsuisarnerannik, assersuutigalugu biilertumik unitsitsinermi piffimmi pasineqarnermik kinguneqarsinnaasumik, peqquteqarpoq.
Titartagaq 5. 2012-mit 2016-imut pinerluttuliornermi inatsimmi, angallannermut inatsimmi aammalu immikkut inatsisini allani pasineqarnerit procentinngorlugit
Najoqqutaq: http://bank.stat.gl/KRNAN
2016-imi angallannermut inatsimmi unioqqutitsinermi unnerluussinerit 88 procentii pasineqarnernik kinguneqarsimasut qaffasinnersaapput. Immikkullu inatsisinik allanik unioqqutitsinermi unnerluussinerit 75 procentii pasineqarnermik kinguneqartut pinerluttuliornermi inatsimmik unioqqutitsinermi unnerluussinerit 58 procentii pasineqarnernik kinguneqarsimapput. Pinerluttuliornermi inatsimmik unioqqutitsineq unioqqutitsinerup suunera apeqqutaalluni pasineqarnermik kinguneqartarpoq. Inummik navianartorsiortitsilluni pinerluuteqarnermi unnerluussinerit soorlu nakuusernerit, toqutsinerit, pinngitsaaliilluni atoqateqarnerit, ujajaanerit imaluunniit tillinnerit assigiinngitsut pasineqarnermik kinguneqarajunnerusarput. Pasineqarnerillu procentinngorneranni toqutsilluni timimillu pinerliilluni pinerluttuliornermi unnerluussinerit 78 procentii pasineqarnernik kinguneqartut qaffasinnersaapput, kinguaassiuutitigut pinerluttuliornermi unnerluussinerit 68 procentii pasineqarnernik kinguneqartarsimallutik pisuussutillu tungaasigut pinerluttuliornermi unnerluussinerit 50 procentii pasineqarnernik kinguneqarsimasut annikinnersaapput.
Titartagaq 6. 2012-mit 2016-imut pinerluttuliornermi inatsimmik unioqqutitsinermi pasineqarnerit procentinngorneri, inissitsiternerinut agguaallugit
Najoqqutaq: http://bank.stat.gl/KRNAN